Президенттің телерадиокешені «Өлім ошағы» деректі фильмін ұсынады. Фильмде «АрселорМиттал Теміртау» компаниясына тиесілі Костенко шахтасында болған қайғылы оқиға баяндалады.
Құрбандар саны бойынша ең ірі өндірістік апат болып табылады. Апаттың мән-жайын анықтау және шара қолдану үшін Қасым-Жомарт Тоқаев Қарағанды облысына барған болатын. Мемлекет басшысы бақилық болған кеншілердің туған-туыстары мен жақындарына көңіл айтты. Мемлекет басшысының тапсырмасы бойынша оларға жан-жақты көмек көрсетілетін болады. Сондай-ақ Президент Үкіметке «АрселорМиттал Теміртау» компаниясын мемлекет меншігіне қайтару жұмыстарын жүргізуді тапсырды.
