Президент Телерадиокешені дайындаған жаңа деректі фильмде пән олимпиадалары мен робототехника жарыстарынан әлемдік деңгейде жүлдегер атанып жүрген жас дарындар туралы айтылады.
Қазақстанда халықаралық білім олимпиадаларынан, робототехника жарыстарынан жүлделі орын алып жүрген дарынды балалар баршылық. Мемлекет басшысы Қасым-Жомарт Тоқаев еліміздегі осындай жас дарындарды қолдау, жағдай жасау туралы үнемі айтады.
Фильмде дара балалардың ата-аналары мен жетекшілерінің сұхбаты, сарапшы-ғалымдардың пікірлері көрсетіледі. Сондай-ақ білімдарлардың алдағы жоспарлары мен болашаққа деген армандарын білдік.
