«Қазақтар жауынгер ретінде де, халық ретінде де ауқымы жағынан бүткіл әлемді сілкіндірген, мақсат-нысанасы тұрғысынан кез келген ұлт шеңберінен анағұрлым асып түскен мұндайлық жойқын соғысқа өз тарихында тұңғыш рет қатысты», - депті даңқты қолбасшы Бауыржан Момышұлы. Расында 40 мемлекеттің жерінде өткен, оған 61 ел қатысып, 110 миллион жауынгер қолына қару алған Екінші дүниежүзілік соғысқа Қазақстаннан да 1 миллион 200 мың адам қатысып, оның тең жарымы майдан даласынан қайтпай қалған.
